Inggih para Lingsir titiang sané baktining titiang, para semeton kalih alit-alit titiang sinamian sané ngerawuhin mangkin.
Sedurung ngawitin paruman puniki, pinih dumun titiang ngaturang “Om Swastiastu”.
Kelintang suksema kalih geng renan manah titiang, santukan para lingsir, para semeton, kalih alit-alité sami sampun ledang ngerawuhin pesamuan piniki, kadi pinunas titiang menggah ring surat. Satsat kadi ngecap Merta Kamendalu gardjitan manah titiang, polih kadi mangkin ketemu ring lingsir-lingsir kalih para kadang titiang sinamian. Inggih pinunas titiang ring Ida Sang Hyang Widhi Wasa, kalih Ida Betara-Betarin Leluhur titiang sinamian, dumadak pesamuan puniki, sane ngawit mangkin kewentenan sedjeroning pesemetonan titiang, kelugerahan pengestu, sidha lantur tan kirang punapa-punapi, manakadian ipun radjeg, kukuh, tur ngawinang rapet miwah gilik pesikian pesemetonan puniki.
Inggih para Lingsir kalih para semeton titiang sinamian. Menawi wenten pikenoh ipun iriki titiang maridartajang akidik pari indike sane ngawinang pasikian puniki keadegang.
Titiang ndewek wantah sampun saking rihin pisan maderebe manah djagi ngewangun pasikian sadjeroning pasemetonane djumah, nanging kemad pisan titiang ngemedalang manah titiang punika. Punapi awinan ipun, menawi betjikan tan tjeritejang titiang iriki.
Wawu-wawu puniki, wenten pengidih ipun adin-adin titiangé kalih alit-alité adjak titiang ring Badung mangde ngewangun pesikian pesemetonan raga sane kantun tampek-tampek, minakadi ipun sane pelekadan ring umahe ring Sembung miwah Karangenjung, wiadin pebelasan-pebelasan saking umahe kekalih punika, metjepuk pisan kadi sane apti-apti titiang saking rihin, tur titiang njanggupin, misadija djagi ngutsahang kalih ngerantjang punapi sane perlu, sedjeroning kesidhan antuk titiang, seantukan punika wantah sane idamang titiang saking rumihin pisan.
“Punapi perlun ipun ngewangun pesikian kadi puniki?”.
Menawi wenten ta sané mepitaken asapunika; jadian tan kemedalang, menawi ring pekajun. Inggih para semeton titiang sami. Jan pinakang titiang kadi antjang wiadin lidiné: jan lidi punika asiki-asiki kawentenan ipun, djanten kirang pisan gunan kalih pikenoh ipun. Kaliha gampang pisan antuk anak ngelung-ngelung ipun, seantukan lidiné asiki-asiki punika tan wenten, miwah akidik pisan kekuatan ipun. Jadiastun makweh ipun asatus wiadin asiju jan tan ipun kesikiang wiadin kepesel, taler gampang antuk anake ngelung ipun. Nanging jan lidi punika kepesel, kesikiang, sinah ipun dados kwat pisan, kaliha ageng pikenoh ipun, minekadin ipun dados anggen sapu sane maguna pisan, jan iraga mekayun mebersih-bersih, mersihang sane daki miwah reged, mawinan sidha betjik. Inggih wantah kebersihan punika kelintang mautama, seantukan ring didja wenten kebersihan, minakadin ipun kebersihan pekarangan, umah, raga sarira miwah pekajunan, sinah pisan kerahadjengan sané patjang kepangguh. Malih jan ambilan titiang ring gambelan gongé. Jan asiki-asiki kawéntenan ipun keswarajang, sinah tan betjik kepireng swaran ipun. Indajang tjéng-tjéng ipun kewanten swarajang, miwah kempelin ipun kemawon, djanten tan amunapi mantuk ring pekajunan. Mangda sidha betjik, wantah mangda sami keswarajang, miturut pidartan gong. Napi malih jan sekehan ipun sampun mewasta duweg tur sering mepeurukan, djanten sekeha punika kepudji tur kasub. Sapunika taler pesikian para semetonan puniki. Jan asiki-asiki ngelaksanajang pekarjan kalih pekajunan, sinah pisan alit djaga hasil ipun, tur mangdoh patjang njidhajang ngewangun karja sané ageng. Indik puniki wantah sampun lumrah makwéh anaké uning, tur Pemerintah mangkin sampun miteket i rakjat, mangda seananing karja2 sané ageng miwah berat, kekarjanin “setjara gotong-rojong”, gugur gunung, saling tulung, jan bahat sareng2 tegen, jan ingan sareng2 tadtad sami mekidik. Jan ring bandjar kalih ring desa anaké njidhajang megotong-rojong, patut ipun napi malih sedjeroning pesemetonan tunggaling langit kalih leluhur. Manahang titiang “kalih dadosan” malih. Sotaning anak masemeton, wantah pautu pisan saling tulung sami asih, paras-paros. Sané maduwé lega ring sané latjur, mangdené sidha sami durus. Jan kemanah antuk titiang, tan wénten lwihan keutjap ring anak betjik kalih rukun mesemetonan. Seantukan kerukunan Ida Sang Pantja Pendawa mesemeton, sapa sira ugi tan njidajang ngerusak djagat idané, kalih ngawonang ida ring pejudan.
Jan upamijang titiang malih kadi i tangan; jan tangané sané kiwa njabunin ipun sané tengen, janten ipun makekalih patjang bersih, itjal dakin ipun. Aspunika taler anaké saling tulung. Jan anaké sami tiwas saling tulung, kedurusan ipun sami ipun maolih kabetjikan. Jan sampun pesikiané betjik kalih kuat, tan bina kadi djeridjiné, jan sampun gemelang dados asiki, njidajang patjang ngawonang meseh. Jan asiki2, amunapi pisan kekuatan djeridji punika! Menawi sinah antuk titiang ngupamiang ring adjeng kebetjikan ipun ngawentenang pesikian sané bulat, tur punapi awinan ipun iraga sarira patut pisan ngewentenang gotong-rojong kalih “kerdja sama”, bebawos kadi mangkiné, seantukan ipun punapi2 sané sidha kesikiang miwah kekumpulang, sinah pisan dados kwat, tur kekwatan punika wantah merupa kekuatan sané kelintang ageng gunan ipun.
Jadian upamin ipun wénten bata, apuh, bias, semén, taru, genténg, jan tan uning ngeratjik kalih nabdab kegunan ipun, djanten ipun tan mederebé pikenoh, malah2 ipun jan megenah ring pekarangané, patjang ngentuk-ngentukin, miwah ngotorin. Indajang mangkin undangang undagi, rerehang tukang, tan swé, sinah ipun merupa gedong sané makwéh gunan ipun, punapi malih jan undagin ipun peradnjan, kalih lakar2 punika betjik kehanan ipun djanten pisan gedong punika patjang luwih rupan ipun kalih kwat, kekasubang ring anaké siwosan.
Para Semeton sinamian, menawi kelintang doh titiang sampun mimpas saking atjara puniki. Nanging sané pidartajang titiang ring ajeng puniki, menawi wénten pikenoh ipun ring alit-alité sané durung tetes ring keperluan pesikian kalih persatuan puniki. Wénten kebawos kadi mangkiné: “Bersatu kita teguh, bertjerai kita runtuh”. Menawi sampun djelas teges lengkara punika. Jan iraga mesikian, djanten kukuh iraga sareng sami, jan iraga mabelas-belasan inggih punika sowang2 nganggowang pekajunan tan ngerunguang sané siosan, djanten pisan gampang antuka anaké ngaduk-ngaduk pesemetonané, tan pendah kadi djangkriké, wawu kekilin-kilinin, njak ipun djaga ngemademang njaman ipun. Jan sampun asapunika sinah sekadi ngowek2 wastera, njurjakin raga, wéké masih iraga pedidian. Jan titiang nguningajang ring adjeng: “mesikian iraga kwat”, menawi wénten sané mapikajun: “djani iraga suba ngelah perkumpulan njama, iraga suba kwat. Njeédja bani tekén iraga, lakar lawan dogen. Jén ja bani, njamané lakar adjak ngelawan”. Menawita wénten sané mapikajun kalih memanah asapunika, djanten pisan iwang tetapsiran.
Iraga sarira njikiang para semetoné mangda gilik tur kwat, tan pisan patjang mapekardi sané kawon ring anak, kalih ipun golongan lian. Jan wantah sidha antuk, ngiring mapekardi mangda sami anaké ledang kalih demen ring pesemetonan iraga sami, kalih ring para semeton sowang2. Dados ipun sané keulati kalih keaptiang, tandja mangda rukun sedjeroning semeton kalih kumpulan kewanten, nanging mangda marep ring sapasira ugi, sané ageng miwah alit, sugih miwah miskin, para semeton sami betjik2. Jan sampun sami anaké tresna-sih ring iraga sarira, sinah iraga sarira tan madwé meseh, mawinan ledang pisan pekajunané. Pemarginé sané asapunika taler membantu ngardinin kerahadjengan ring desa kalih Negara, sekadi sané keaptiang antuk Pemerintah.
Inggih amunika dumun pemahbah daging awig2 pesikian sané patjang kewangun mangkin, dumadak djelas tur sami keresep ring pekajunan. Rikalanin memawosin daging ketjap ipun malih djebos, malih djagi titiang mapiteges kalih ngupas maksud wijadin tudjuan ipun. Sedurunge titiang lali, ledangang titiang ngelanturang piteket malih akidik ring para semeton sami.
Sané dumun2, sedurung alit-alité para njama kalih pianak2 titiang, miturutin indeké kadi mangkiné, inggih punika meladjahang déwék, kangkat ipun duk sami pada setinut kéwanten ring pengandikan kalih pekajunan anak lingsir, sampun tjukup para lingsiré kéwanten mapaitja bebawos kalih pengelémék ring alit-alité sané mepemargi iwang kalih tan patut. Sané iwang punika djanten pisan patjang miturut pangandikan anaké lingsir, dening ipun wiakti tan purun piwal, seantukan kautjap peresangga miwah purun ring anak lingsir. Punika ketakutang pisan antuk alit-alité kalih para semeton daweg djaman punika. Naging kadi mangkin kalih munggah ipun, makuwéhan alit-alité sampun melajahang déwék djantos ring sekolah menengah miwah sekolah tinggi, dadosipun keuningan kalih sané panggih ipun sinah sampun lintangan ring sané lingsir-lingsir miwah sané kelihan. Dwaning asapunika sulit kalih kémad pisan lingsir2é djagi mapaitja bebawos kalih pangelémék, napi malih djagi ngiwangang pemargin ipun. Malih ipun, menawi taler sané sigug2 pisan tan njak miragiang bebawos anak lingsir, jan uningin ipun pengendikan anaké lingsir punika djaga ngiwangan ipun. Kalih ipun, sang keiwangan punika patjang sakit manah ring sané ngiwangan ipun punika. Punika awinan, seuning titiang lingsir2é mangkin arang pisan djagi kajun mapaitja pengelémék ring alit2é mawinan pekantenan ipun sekadi sami semetoné nganggoang2 raga, tan rungu2 ring sané lianan, jadian ipun mapekardi betjik miwah kawon. Indik punika perlu pisan kerobah mangkin; jan swé-swé banggiang asapunika, sinah pasemetonané patjang uwug, samberag meberarakan. Jan sampun djantos asapunika , tandja wénten pikenoh ipun iraga kewastanin mederebé njama, pateh kadi i buron ring alase, tan ngerengajang penjaman ipun, sakéwanten ngulahang déwék kemawon. Menawi bodjogé kari becikan, seantukan ipun kantun mekumpul-kumpul ngadjak soroh ipun, tur jan asiki keni baja, gelis ketulung antuk kadang ipun.
Sinah pisan djaga medaging sekadi sesonggané ring Bali “mati iba, idup kai”. Jan manahang titiang, tan pisan wénten semeton titiang sané meled djantos amunika kawon pesemetonan iraga iriki. Jan tindjo titiang saking penerawuh semetoné sami, kalih awanan pererain para semeton, djanten tan iwang titiang, jan titiang mastiang iriki para semeton sami kanten meled mangda betjik pesemetonan iraga puniki. Inggih titiang ngturang terima kasih pisan ring para semeton sinamian indik puniki. Dumadak pisan mangda sampunang titiang iwang peparnajan marep ring para semeton kalih alit2 sami. Sinah pisan antuk titiang para semeton tan kajun djagi tjedok ring daging perareman puniki. Menawi sampun kekajunang antuk Ida Leluhur2 iraga sami, mangda iraga sareng sami sidha gilik mesemetonan. Jan wenten sane tjedok, menawita patjang pastu Ida, mangda tan nemu kerahajon.
Kadi mangkin sesampune madeg pesikian pesemetonan puniki, tandja malih lingsir2é sané ketunasin pepatutan miwah keputusan, nanging pesikian puniki sejeroning paruman para anggotan ipun. Jan sampun iparuman mutusang, sapesira ugi dados ngerawuhang keputusan punika ring semetoné sané kemanggehang iwang punika. Jan tan ketampi sinah isemeton sami djagi ngarepin sang piwal punika. Dados ipun sane keiwangang punika kemesehin antuk sekuwub anggota pesikian punika, tandja antuk anggotan ipun ndiri2. menawita sane lingsir iwang, taler okane sane dados anggota, sareng ngiwangang ida. Wantah kepatutan punika tan ngitung pianak kalih rerama. Sane iwang patut keiwangang, sane patut wantah kepatutang.
Inggih amunika dumun; ngiring mangkin kawitin mawosin daging Awig-Awig kalih Sima-Sima Pesikian iraga punika.
Sedurung ipun, titiang ngewawanin malih ngastapejang ring Ida Sang Hyang Widhi Wasa, kalih Betara-Betarin titiang, sidha kerahadjengan ugi sapemargin paruman puniki, kalih sidha sekadi sane keaptiang.
Begitulah pidato pertama sejak berdirinya Pesikian Swa Wandawa Sembung-Karangenjung, yang terjemahannya dalam bahasa indonesia sebagai berikut:
Para Pengelingsir yang sangat kami muliakan, saudara-saudaraku dan anak-anakku yang hadir pada hari ini.
Sebelum memulai pertemuan ini, izinkan saya menghaturkan : Om Swastiastu. Puji Syukur dan terimakasih serta sangatlah besar rasa bahagia saya, sebab para pengelingsir, saudara-saudara serta anak-anakku sudah berkenan menghadiri pertemuan ini, sesuai dengan permohonan saya dalam undangan.
Tak ubahnya bagaikan nikmatnya air suci Merta Kamandalu rasa bahagia saya dapat bertemu seperti sekarang ini dengan pengelingsir dan saudara-saudara. Saya memohon kehadapan Ida Hyang Widhi Wasa, Tuhan yang Maha Esa dan para leluhur kita, semoga pertemuan ini yang mulai hari ini dilakukan di antara para keluarga kita mendapatkan anugrah-Nya, dapat berlanjut di masa yang akan datang tidak dan kurang suatu apa, mendapatkan keteguhan, kekuatan dan mampu mewujudkan keutuhan dan persatuan perkumpulan tali persaudaraan ini.
Para Pengelingsir dan saudara-saudaraku.
Mudah-mudahan ada manfaatnya di sini saya mengutarakan sedikit asal muasal mengapa perkumpulan keluarga ini perlu didirikan.
Saya pribadi sebenarnya sudah lama sekali mempunyai keinginan untuk mendirikan perkumpulan keluarga kita, namun saya harus menunggu waktu yang tepat untuk mengemukakan keinginan saya tersebut.
Mengapa hal itu terjadi? barang kali lebih baik tidak saya kemukakan di sini.
Baru-baru ini ada permintaan adik-adik saya dan anak-anak saya ajak di Denpasar untuk membangun perkumpulan keluarga kita yang masih ada hubungan keluarga dekat, seperti mereka yang lahir di puri kita di Sembung dan Karangjung ataupun mereka yang mempunyai asal muasal dari kedua puri tersebut. Dengan demikian bertemulah sudah harapan-harapan yang sudah sejak lama saya dambakan lalu saya menyanggupi, bersedia untuk mengusahakan serta merencanakan segala sesuatunya yang diperlukan yang mampu saya lakukan, karena itu memang menjadi dambaan saya sejak lama sekali.
"Apa perlunya kita membangun sebuah perkumpulan seperti ini ?" Barang kali ada di antara kita yang bertanya seperti itu, walau pun tidak diucapkan tetapi mungkin saja ada di benak kita.
Kalau boleh saya umpamakan bagaikan falsafah Lidi ; Kalau lidi tersebut berdiri sendiri, maka pastilah kurang manfaatnya. Di samping itu gampang sekali orang untuk mematah- matahkannya, karena lidi yang satu-satu itu keberadaanya dapat dipastikan kecil sekali kekuatannya. Sebaliknya walaupun jumlahnya seratus atau seribu lidi, tetapi kalau tidak disatukan dalam satu ikatan, maka lidi itu akan dengan mudah dapat dipatah-patahkan orang. Tetapi kalau lidi itu dikumpulkan dan diikat dalam satuan beberapa lidi, maka pastilah lidi itu akan menjadi kuat dan ada manfaatnya. Seperti misalnya dapat dijadikan sapu yang sangat bermanfaat apabila kita ingin berbersih, dapat menghilangkan kotoran sehingga semuanya menjadi apik. Sesungguhnya, kebersihan itu pula yang paling utama, karena dimanapun kebersihan itu dilaksanakan, seperti kebersihan pekarangan, rumah, diri sendiri ataupun pikiran, maka dipastikan kebahagiaan yang akan kita temukan.
Atau kalau saya ambilkan perumpamaan pada gambelan gong. Kalau gambelan gong itu masing-masing alat dibunyikan sendiri-sendiri tentulah tidak enak untuk didengar suaranya. Cobalah Ceng-ceng saja bunyikan, atau hanya Kempul saja yang dibunyikan, maka pastilah tidak akan begitu berkenan di hati untuk menikmatinya. Supaya menjadi enak didengar maka semua peralatan harus dibunyikan bersamaan sesuai dengan tugas dan fungsi alat tersebut masing-masing. Apalagi kalau perkumpulan sekeha gong itu sudah pintar dan rajin berlatih, maka tentulah perkumpulan sekeha itu akan dikagumi dan terkenal di seluruh jagat. Demikian juga halnya dengan perkumpulan keluarga kita ini. Kalau kita melaksanakan pekerjaan atau pun keinginan kita sendiri-sendiri tentu akan sangat kecil hasil yang kita peroleh dan jauh dari kemungkinan kita mampu melaksanakan pekerjaan yang besar. Tentang hal ini tentu sudah banyak orang mengetahuinya, dan sekarang ini pemerintah sudah mengingatkan rakyatnya agar segala pekerjaan-pekerjaan yang besar dan berat, dikerjakan dengan bergotong royong. gugur gunung. saling tolong menolong, yang berat dipikul bersama, yang ringan sama kita jinjing serba sedikit.
Kalau di banjar atau pun di desa orang-orang bisa bergotong royong, seyogyanya sebagai satu keluarga besar yang memiliki satu pemujaan dan satu leluhur harus kita mampu melakukannya. Menurut pikiran saya, malah dua kali lipat dosa orang mengingkari kenyataan ini. Menjadi kewajiban utama bagi orang yang bersaudara untuk saling tolong menolong saling mengasihi dan merasa sependeritaan sepenanggungan. Yang mempunyai lebih harus menolong mereka yang kekurangan, supaya sama-sama bisa jalan. Menurut pikiran saya, tidak ada yang lebih mulia ucapan orang kepada mereka yang baik-baik dan rukun bersaudara. Sebab kerukunan Panca Pandawa dalam persaudaraan pula yang tidak mampu membuat orang untuk merusak pemerintahan beliau ataupun mengalahkan beliau dalam peperangan.
Kalau saya umpamakan lagi ibarat tangan kita; jikalau tangan kita yang kiri membersihkan tangan kita yang kanan, maka dapat dipastikan keduanya akan bersih, hilang semua kotoran. Demikian juga dengan orang yang suka saling menolong. Kalau mereka yang kekurangan itu mau saling tolong menolong, maka mereka semua akan memperoleh kebajikan. Kalau sudah perkumpulan baik dan kuat, tak ubahnya sebagai jemari kita ini, kalau sudah dikepalkan menjadi satu maka kita akan mampu menyingkirkan musuh-musuh kita. Kalau sendiri sendiri seberapalah kekuatan jemari kita itu. Mudah-mudahan jelas oleh saya untuk mengemukakan di depan pentingnya arti sebuah perkumpulan yang utuh dan mengapa kita masing-masing perlu melakukan gotong royong atau pun kerja sama seperti sering diucapkan seperti sekarang ini. Sebabnya tiada lain adalah apapun kalau sudah mampu kita satukan dan satukan, pastilah akan menjadi kuat dan kekuatan itu akan merupakan kekuasaan yang sangat besar manfaatnya.
Kalau saya umpamakan keberadaan bata, kapur, pasir, semen, genteng, kalau kita tidak mampu mengolah dan mengerti akan kegunaannya, pastilah dia tidak akan bermanfaat. Jangan-jangan kalau kita taruh di halaman rumah akan merusak pemandangan atau mengotori rumah saja. Cobalah sekarang kita undang seorang ahli bangunan, dicarikan tukang, maka tidak lama kemudian pastilah akan lahir sebuah gedung yang banyak gunanya. Apalagi kalau ditangani oleh para ahli dan bahan-bahan itu kualitasnya baik. maka pastilah gedung itu akan sangat indah dan kuat serta dikagumi oleh mereka yang melihat.
Saudara-saudaraku sekian.
Barang kali terlalu jauh saya menyimpang dari acara semula. Tetapi apa yang telah saya wacanakan di depan. barangkali ada manfaatnya terutama sekali untuk anak-anak kita yang belum mengerti benar akan perlunya perkumpulan ataupun persatuan itu. Seperti banyak diucapkan orang sekarang ini ; "Bersatu Kita Teguh Bercerai Kita Runtuh" saya yakin sudah jelas arti motto itu bagi kita semuanya. Kalau kita bersatu. pastilah kokoh kita semuanya. Sebaliknya kalau kita bercerai berai masing-masing melaksanakan keinginannya sendiri-sendiri tidak mau mendengar yang lainnya, pastilah gampang orang luar mengacau tali persaudaraan kita. Tak bedanya seekor jangkrik. baru dihasut sedikit saja sudah rela membunuh saudaranya sendiri.
Kalau saya di depan ada mengatakan : "Bersatu Kita Kuat", barang kali lantas ada yang berfikiran : "Sekarang kita sudah punya perkumpulan keluarga, berarti kita sudah kuat". Siapa saja berani dengan kita akan kita lawan saja. "Siapa saja yang berani, saudara-saudara kita akan kita ajak melawannya".
Saya yakin tidak ada di antara kita yang punya pikiran seperti itu. Pikiran seperti itu jelas akibat salah penafsiran. Kita semua menyatukan keluarga kita semata-mata karena kita ingin rukun dan kuat, jauh dari pemikiran akan berbuat tidak baik pada orang lain ataupun golongan lain.
Kalau mampu kita melakukannya, marilah kita berbuat supaya semua orang senang dan bersimpati kepada tali persaudaraan kita semua dan persatuan kita masing-masing. Dengan demikian yang menjadi dambaan dan harapan kita semua, tidak saja kerukunan persaudaraan atau pun perkumpulan secara interen semata- mata, tetapi juga terhadap siapa saja yang besar maupun yang kecil, kaya ataupun miskin, kita semuanya harus berbuat yang baik. Kalau sudah semua orang cinta dan senang kepada diri kita. maka kita akan dijauhkan dari musuh karena kita memang mempunyai pikiran yang jernih. Perbuatan seperti itu juga akan membantu kita menciptakan kedamaian di desa ataupun negara seperti harapan pemerintah.
Demikianlah sebagai pembuka penjelasan mengenai anggaran dasar dan anggaran rumah tangga perkumpulan pasemetonan yang akan kita dirikan sekarang, mudah-mudahan jelas dan semua dapat mengerti dalam diri masing-masing.
Pada saat membicarakan isi pasal-pasal sebentar lagi, lagi saya akan perjelas dan kupas maksud ataupun tujuannya.
Sebelum saya lupa, izinkan saya melanjutkan menyampaikan pesan-pesan lagi sedikit kepada saudara-saudara saya sekalian.
Dimasa lalu, sebelum adik-adik, saudara-saudara saya ataupun anak-anakku mengikuti keadaan zaman seperti sekarang ini, yaitu belajar menimba ilmu, semuanya manut saja kepada ucapan atau pun keinginan orang tua. Sudah cukup para orang tua saja yang memberi petunjuk ataupun nasehat kepada anak-anaknya, baik yang berbuat salah atau tidak benar.
Mereka yang berbuat salah sudah barang tentu akan mengikuti para orang tua karena mereka tidak ingin membangkang karena takut dikatakan sebagai anak durhaka atau berani kepada orang tua. Hal seperti ini memang sangat ditakuti oleh anak-anak atau saudara-saudara kita pada masanya. Tetapi sekarang ini dan di masa yang akan datang banyak anak-anak kita yang sudah membelajarkan diri sampai sekolah menengah ataupun sekolah tinggi, sehingga pengetahuan mereka ataupun pengalamannya sudah melebihi para orang tua ataupun yang lebih tua dari mereka. Karenanya sulit dan rikuh sekali para orang tua akan memberikan nasehat ataupun teguran, apalagi akan menyalahkan tingkah laku mereka. Lagi pula, barang kali juga mereka yang memang bandel-bandel tidak akan pernah mau mendengar ucapan para orang tua yang diketahuinya ucapan orang tua itu akan menyalahkan perbuatannya. Di samping itu mereka yang disalahkan akan sakit hati kepada yang menyalahkan dirinya itu. Itu lah sebabnya sepengetahuan saya para orang tua kita jarang sekali yang mau memberikan teguran kepada anak-anak kita sehingga kelihatan mereka sebagai tanpa kendali, tidak perduli kepada yang lain walaupun jelas-jelas berbuat tidak baik dan tercela. Tentang hal ini, perlu sekali adanya perubahan sikap mulai sekarang ini. Kalau keadaan seperti ini dibiarkan berlama-lama, pastilah tali persaudaraan kita akan menjadi rusak dan hancur lebur.
Kalau sampai demikian, maka tak akan ada gunanya kita mempunyai saudara, tak ubahnya seperti binatang di tengah hutan tidak perduli dengan saudara-saudaranya sendiri, hanya menghidupi dirinya sendiri. Barang kali monyet saja masih lebih baik, karena mereka masih ngumpul-ngumpul dengan sesamanya dan kalau ada seekor kera yang menghadapi bahaya, segera ditolong oleh sesamanya.
Kelihatan sekali akan berisi ucapan-ucapan di Bali "Matilah kau, yang penting aku tetap hidup". Menurut pikiran saya, sama sekali tidak ada keinginan saudara-saudara saya akan mempunyai harapan separah itu terhadap keberadaan perkumpulan persaudaraan kita ini. Kalau saya tinjau dari kehadiran saudara-saudara sekalian serta roman muka saudara-saudara semuanya, pastilah saya tidak keliru kalau saya memastikan saudara-saudara sekalian selalu berharap supaya tali persaudaraan kita ini tetap berjalan dengan baik.
Selanjutnya saya menyampaikan terima kasih banyak kepada saudara-saudara saya untuk semuanya ini, mudah-mudahan saja saya tidak keliru menyampaikan harapan-harapan ini kehadapan saudara-saudara dan anak-anakku sekalian. Sangat saya yakini saudara-saudara sekalian tidak ingin akan mengingkari dengan isi anggaran dasar dan anggaran rumah tangga ini.
Barang kali sudah menjadi kehendak para leluhur kita semua, supaya kita semua bisa rukun dalam persaudaraan. Kalau ada yang ingkar barangkali akan dihukum oleh beliau dan tidak menemukan kebaikan.
Seperti sekarang ini, sesudahnya perkumpulan ini berdiri, tidak lagi hanya para orang tua yang kita mintai kebenaran atau keputusan, tapi organisasi ini melalui rapat para anggotanya. Kalau rapat sudah mengambil keputusan, siapapun boleh menyampaikan keputusan itu kepada anggota keluarga yang melakukan kesalahan itu. Kalau tidak diterima, maka semua keluarga akan menghadapi mereka yang salah itu. Jadinya yang berbuat salah itu akan berhadapan dengan seluruh anggota perkumpulan dan bukan dengan anggota itu masing-masing.
Mungkin saja si orang tua yang bebuat salah, maka anaknya yang jadi anggota akan ikut menyalahkan beliau. Memang demikianlah seharusnya tidak melihat anak atau orang tua yang salah patut disalahkan, yang benar patut pula dibenarkan.
Sekian dulu, mari sekarang mulai membicarakan isi anggaran dasar dan anggaran rumah tangga ini. Sebelumnya sekali lagi kita memohon kehadapan Ida Hyang Widhi Wasa. Tuhan Yang Maha Esa dan para Leluhur kita, mudah-mudahan pertemuan ini berjalan dengan baik dan menemukan kesuksesan selama berjalannya sidang-sidang dan mendapatkan hasilnya sesuai dengan harapan kita semua.
Tidak ada komentar:
Posting Komentar